Economic Cycles: Tezi Ka Zeher
Aapne note kiya hoga k duniya aek musalsal upward direction me nahi chalti. Kabhi subko jobs mil rahi hoti hain toh kabhi achanak bohat se log faarigh kiye jaa rahay hotay hain (Layoffs). Aisa kyun hota hai?
System ko jaan-boojh kar (Credit Based system) ki bina pe rakha gaya hai. Jab Banks Market mein naya udhaar (Cheap Credit & Low Interest) denay shuru kartay hain, toh har kisi ke paas extra paisa aajata hai. Companies logo ko bhar leti hian, property aur shares ke rate high hojate hain. Ise 'Boom Phase' (Tezi ka cycle) kehte hain.
Is time har banda samajhta ha ke wo azeem businessman ya investor hai kyunkay sabka paisa ban raha hota hai. Lekin asal main yeh sab 'Hawa' ya 'Debt Bubble' hota hai jo ke saste loan se parwan charhta hai.
Jab yeh paisa hawa mein banaya gaya tha toh uske back pe koi Asal produce (Value) toh tha nahi. Insaan ka lalach (Greed) market ko is level pe le jata hai jahan pahaunch kar cheezon ki qeemat unki asal ahmiyat se bohat oopar nikal jaati hai.
Sochiye: Jab market me har cheez aasman se baatein kar rahi ho aur har aam admi investor ban chuka ho, toh kya achanak sab ameer ban gaye hain ya yeh koi bada trap hai?
Key Takeaway
Economic Boom asal ma credit (Udhaar) ka nasha hai jisy bank system jaan-bhoojh kr economy mein inject krta hai taake log aur ziyada udhar (Loans) lein.